പ്രണയദിനവും പ്രണയഗാനവും.
♥ ♪ ♫ *-*-*-*-*-**-*-*-*-*-*- ♥ ♪ ♫
എല്ലാ വർഷവും ഫെബ്രുവരി 14-നാണ്‌ ലോകത്തിന്റെ വിവിധയിടങ്ങളിൽ വാലൻന്റൈൻ ദിനം അല്ലെങ്കിൽ സെന്റ് വാലന്റൈൻ ദിനം ആഘോഷിക്കുന്നത്. പരസ്പരം സ്നേഹിക്കുന്നവരുടെ ദിനം ആണ് വാലൻന്റൈൻ ദിനം. ലോകമെമ്പാടുമുള്ള , ആൾക്കാർ തങ്ങൾ സ്നേഹിക്കുന്നവർക്ക് ഈ ദിനത്തിൽ സമ്മാനങ്ങൾ കൈമാറുന്നു, ഇഷ്ടം അറിയിക്കുന്നു.
.
ക്ലോഡിയസ് ചക്രവർത്തി റോം ഭരിച്ചിരുന്ന കാലം. വിവാഹം കഴിഞ്ഞാൽ പുരുഷന്മാർക്ക് കുടുംബം എന്നൊരു ചിന്ത മാത്രമേയുള്ളൂ എന്നും യുദ്ധത്തിൽ ഒരു വീര്യവും അവർ കാണിക്കുന്നില്ല എന്നും ചക്രവർത്തിക്ക് തോന്നി. അതിനാൽ ചക്രവർത്തി റോമിൽ വിവാഹം നിരോധിച്ചു. പക്ഷേ, ബിഷപ്പ് വാലൻന്റൈൻ, പരസ്പരം സ്നേഹിക്കുന്നവരെ മനസ്സിലാക്കി അവരുടെ വിവാഹം രഹസ്യമായി നടത്തിക്കൊടുക്കാൻ തുടങ്ങി. വിവരം അറിയാനിടയായ ക്ലോഡിയസ് ചക്രവർത്തി വാലൻന്റൈനെ ജയിലിൽ അടച്ചു. ബിഷപ്പ് വാലൻന്റൈൻ ജയിലറുടെ അന്ധയായ മകളുമായി സ്നേഹത്തിൽ ആയി. ബിഷപ്പിന്റെ സ്നേഹവും വിശ്വാസവും കാരണം ആ പെൺകുട്ടിക്ക് പിന്നീട് കാഴ്ചശക്തി ലഭിച്ചു. അതറിഞ്ഞ ചക്രവർത്തി വാലന്റൈന്റെ തല വെട്ടാൻ ആജ്ഞ നൽകി. തലവെട്ടാൻ കൊണ്ടുപോകുന്നതിനുമുൻപ് വാലൻന്റൈൻ ആ പെൺകുട്ടിക്ക് “ഫ്രം യുവർ വാലൻന്റൈൻ” എന്നെഴുതി ഒരു കുറിപ്പ് വെച്ചു. അതിനു ശേഷമാണ് ബിഷപ്പ് വാലൻന്റൈന്റെ ഓർമ്മയ്ക്കായി ഫെബ്രുവരി 14 ന് വാലൻന്റൈൻ ദിനം ആ‍ഘോഷിക്കാൻ തുടങ്ങിയത്.
.
ഇത് വാലന്റൈൻ ദിനത്തിന്റെ കഥ, എന്നാല്‍ ആ പേരില്‍ പ്രസിദ്ധമായ ഒരു പ്രണയഗാനമുണ്ട്. അമേരിക്കൻ പോപ്പുലർ സംഗീതമായ ജാസ്സിലെ എക്കാലത്തേയും ഹിറ്റായ "മൈ ഫണ്ണി വാലന്റൈൻ" (My Funny Valentine) എന്ന ഗാനം. 1937ല്‍ റിച്ചാര്‍ഡ് റോഡ്ജേര്‍സും (Richard Rodgers) ലോറെന്‍സ് ഹാര്‍ട്ടും (Lorenz Hart) കൂടി Babes in Arms എന്ന മ്യൂസിക്കല്‍ ആല്‍ബത്തിനായി തയ്യാറാക്കിയതാണ് ഈ ട്യൂണ്‍. ഇത് വന്‍ ഹിറ്റാകുകയും ഇന്നു വരേക്കും 600ഓളം ഗായകര്‍ ആലപിച്ച് 1300 ആല്‍ബങ്ങളിലായി ഈ ട്യൂണ്‍ പുനരാവിഷ്കരിച്ചിട്ടുണ്ട്.
അമേരിക്കന്‍ സംഗീതത്തിന്റെ ചരിത്രപരവും സാംസ്കാരികവുമായ പ്രാധാന്യം കണക്കിലെടുത്ത് ഈ ഗാനത്തിന്റെ ഷെറ്റ് ബേക്കറുടെ വേര്‍ഷന്‍ 2015ല്‍ അമേരിക്കന്‍ ലൈബ്രറി ഓഫ് കോണ്‍ഗ്രസ്സിന്റെ നാഷണല്‍ റെക്കോര്‍ഡിംഗ് രജിസ്ട്രിയില്‍ ചേര്‍ക്കുകയുണ്ടായി.
.
ക്യാപ്റ്റന്‍ അമേരിക്കയിലൂടെ പ്രസിദ്ധനായ നടന്‍ ക്രിസ് ഇവാന്‍സ് നിര്‍മ്മിച്ച് 2014ല്‍ പുറത്തിറങ്ങിയ "ബിഫോര്‍ വി ഗോ" എന്ന റൊമാന്റിക് ചിത്രത്തില്‍ നായിക, ആലിസ് ഈവ് ഈ ഗാനം ആലപിക്കുന്നുണ്ട്.
.
[റഫറന്‍സ് - വിക്കിപീഡിയ, songfacts.com, Photofest]
No comments:
Post a Comment